ഫ്രാങ്ക്ഫുർട്ട് : കെ.സി.വൈ.എൽ ജർമ്മനിയുടെ നേതൃത്വത്തിൽ നടത്തിയ ഏകദിന ജർമ്മൻ ക്നാനായ യുവജന സംഗമം EPIC ( Endless Possibilities In Christ ) കോട്ടയം അതിരൂപത സഹായമെത്രാൻ മാർ ജോസഫ് പണ്ടാരശ്ശേരിയിൽ ഉദ്ഘാടനം ചെയ്തു. അഭിവന്ദ്യ മാർ ജോസഫ് പണ്ടാരശ്ശേരിയിൽ പിതാവിന്റെ മുഖ്യ കാർമ്മികത്വത്തിൽ നിരവധി വൈദികരുടെ സാന്നിധ്യത്തിൽ പരിശുദ്ധ കുർബാനയോടു കൂടി സംഗമത്തിനു തുടക്കം കുറിച്ചു. തുടർന്ന് കെ.സി.വൈ.എൽ ജർമ്മനിയുടെ അഞ്ചാം വാർഷികത്തിൽ ആദ്യമായി ജർമ്മനിയിലെ യുവജനങ്ങളെ സന്ദർശിച്ച , സംഘടനയുടെ രൂപീകരണത്തിന് മുഖ്യ പങ്കു വഹിച്ച അഭിവന്ദ്യ പിതാവിനെ യുവജനങ്ങൾ ആവേശപൂർവ്വം നടവിളികളുടെ ആരവത്തോടെ സ്വീകരിച്ചു . തുടർന്നു നടത്തിയ പൊതുസമ്മേളനത്തിൽ കെ.സി.വൈ.എൽ ജർമ്മനി പ്രസിഡന്റ് ശ്രീ നിധിൻ ഷാജി വെച്ചുവെട്ടിക്കൽ അധ്യക്ഷത വഹിച്ചു. " നാം എല്ലാവരും ഈശോയെ കണ്ടത്താനുള്ള യാത്രയിലാണ് ആ യാത്രയിൽ മറ്റുള്ളവരെ ചേർത്ത് പിടിച്ച് ഒരുമിച്ചായിരിക്കാൻ ശ്രമിക്കണമെന്നും, ജർമ്മനിയിലായിരുന്നാലും പൂർവ്വ പിതാക്കന്മാർ പകർന്നു നൽകിയ വിശ്വാസ പാരമ്പര്യങ്ങൾ മുറുകെ പിടിച്ചു കൊണ്ട് സഭാ കൂട്ടായ്മക്കായി വളരാനും മറ്റുള്ളവരെ വളർത്താനും അങ്ങനെ ക്നാനായ സമുദായം മറ്റുള്ളവർക്ക് നല്ലൊരു മാതൃകയായി തീരണമെന്നും, ക്നാനായ സമുദായത്തിൻ്റെ ഭാവി യുവജനങ്ങളിൽ ഭദ്രമാക്കണമെന്നും " ഉദ്ഘാടന പ്രസംഗത്തിലൂടെ അഭിവന്ദ്യ പിതാവ് യുവജനങ്ങളെ ഓർമ്മപ്പെടുത്തി . കെ.സി.വൈ.എൽ ജർമ്മനിക്കു വേണ്ടി യൂണീറ്റ് അംഗവും , ബെർലിൻ യൂണീറ്റ് പ്രസിഡൻ്റുമായ ജെബിൻ ജെയിംസ് കളരിക്കൽ രചിച്ച ഗാനം “കുടിയേറ്റം" അഭിവന്ദ്യ പിതാവ് പ്രകാശനം ചെയ്തു. സ്പിരിച്ചൽ അഡ്വൈസർ ഫാ. ബിനോയ് കൂട്ടനാൽ ആമുഖ പ്രഭാഷണവും സിസ്റ്റർ അഡ്വൈസർ സി. ജോമി എസ്.ജെ.സി. ആശംസ പ്രഭാഷണവും നടത്തി. പൂർവ്വപിതാക്കാൻമാരുടെ വിശ്വാസ തീക്ഷണതയിലും അനുസരണയിലും വിധേയരായി , ക്രിസ്തുവിലുള്ള അനന്ത സാധ്യതകൾ നേടി പോകുന്ന യുവജനങ്ങൾ എന്ന ലക്ഷ്യത്തെ മുൻനിർത്തി നടന്ന യുവജന സംഗമത്തിൽ 200 ൽ പരം യുവജനങ്ങളും നിരവധി മാതാപിതാക്കളും വിശ്വാസപരിശീലനം നേടുന്ന തിരുബാലസഖ്യത്തിലെ കുട്ടികളും പങ്കെടുത്തു. ഡയറക്ടർ ശ്രീമതി ചിഞ്ചു അന്ന പൂവത്തേൽ കെ.സി.വൈ.എൽ പതാക ഉയർത്തി ഔദ്യോഗികമായി തുടക്കം കുറിച്ച സംഗമത്തിൽ വിവിധ യൂണിറ്റുകളിലെ യുവജനങ്ങളുടെയും വിശ്വാസപരിലീശല കുട്ടികളുടെ കലാപരിപാടികൾ നടത്തപ്പെട്ടു. . നിജോ ജോണി പണ്ടാരശേരിയിൽ, തോബിയാസ് പറപള്ളിയിൽ ,അഞ്ചു പതിപ്ലാക്കിൽ എന്നിവർ പ്രസംഗിച്ചു. ജോജി ജോസഫ് മെത്തായത്ത്, സിജോ സാബു നെടുംതൊട്ടിയിൽ, ബോണി സൈമൺ ഈഴറാത്ത്, ജോയ്സൺ കിഴക്കേവള്ളിക്കാട്ടിൽ, അലേന കിഴക്കേവള്ളിക്കാട്ടിൽ , യൂണിറ്റ് ഭാരവാഹികൾ എന്നിവർ പരിപാടികൾക്ക് നേതൃത്വം നൽകി.
https://www.instagram.com/reel/C9IVWNQi_FY/?igsh=NWxzcXE0N2lzemUz
